كل عام وفرحة العيد بقلوبكم فرحة طفل (2)

في الجزء الأول كانت هدايا الأولاد

والآن حتكون هدايا البنوتات الحلوات ..

أشترينا عرائس صغيرة يمكن طولها من 15 إلى 20سم

أخذنا تغليف الهدايا الشفافة وفيها ورد صغير ..

وغلفنا الهدايا داخلها ربطناها بشرايط هدايا الصغيرة وعلقناها ع ظهر العرائس كأنها شنطة مدرسة ..

وعاد كل وحدة وابداعها بطريقة تقديمها ..

احنا جبنا الفلين العريض بعد ..

وغلفناها بأبيض وأحمر ..

وقصينا قطع مربعة وغلفناها بفضي وثبتناها فوق الدائرة وفوق كل مربع عروسة كأنها منصة لها ..

طلع شكلها جدا حلووو

أم شعر بني هذي حجزتها أختي اللي بالمتوسط >> تتوقع انها باقي صغيرة ..

اللي ناوية تجهز هدايا لاتنسى وتجهز شيء قدام الصغار عشان يكون لها طعم خاص يوم العيد ..

همسة : إذا كنتِ تعرفين أطفال أيتام لاتنسينهم من هدايا العيد فتدخلين الفرحة لقلوبهم الكسيرة ..

كل عام وفرحة العيد بقلوبكم فرحة طفل (1)

السلام عليكم ورحمة الله وبركاته

باقي من الوقت 11 يومًا ويـــا حسرة المحرومين

بدأت من قبل كم يوم بتجهيز هدايا الصغار عشان أخلصها قبل العشر ..

وماقصرت أختي ساعدتني في هدايا البنات عشان تلعب بالعرائس

صلحنا هدايا للأولاد .. وهدايا للبنات

نبدأ بهدايا الأولاد

كانت عبارة عن علبه صلحتها بالورق المقوى لون أسود وبقلم فضي رسمت خطوط الشارع

وحطينا داخلها كيك و3 أنواع حلاوى وبلونة وعلقنا عليها سيارة صغيرة ..

بالنسبة لطريقة تقديمها تبدعين انتي فيها براحتك ..

أنا أخذت فلين عريض وغلفته بورق أخضر ..

وصلحت إشارة وصفيت العلب كأنها شوارع ..

وهذا تخطيط للعلبة عشوائي بس عشان أوضح لكم المقاسات اللي أستخدمتها ..

بالنسبة لرسم خطوط الشارع ارسميه بالبداية على استنسل أو ورق مقوى ..

وفرغي المستطيلات وبس حطيها على العلب ولونيها تكون مضبوطة ..