مفاجأة لم تكن لي على بال ..

السلام عليكم ورحمة الله وبركاته ..


مدري كيف أبدأ وكيف أتكلم ..

يوم الإثنين كنت أصلي الظهر شوي جوالي يدق وأختي تحط صامت عشان مايشغلني ..

خلصت لقيتها مكالمتين لم يرد عليها رقم ثابت ماأعرفه ..

دخلت المطبخ رجع الجوال يتصل >> كالعادة أعطي أحد الأولاد يرد على الأرقام الغريبة بس هذا ثابت غير بيكون

قلت ممكن أحد البنوتات تبي شيء ضروي وماعندها رصيد فتتصل من الثابت ..

رفعت نعم أسمع صوت رجال يقول ألووووو .. انفجعت وقفلت

يوم الثلاثاء الصباح صحيت على صوت الجوال ورقم ثابت من النوم رديت بدون شعور ..

قلت نعم .. طلع رجال قال السلام عليكم

أنا انفجعت بس ماقفلت مدري ليش رديت السلام قال أختي وصل لكم بريد ممتاز من الإمارات بإسم .........

بسرعة قفلت ونطيت لأخوي تكــــــــفى روح للبريد جيب لي طرد وصلني من الإمارات .. قال أصلي الظهر وأروح ..

وأنا على أعصابي .. صليت وجلست أنتظر ونمت من الطفش وتحلمت بالطرد

صحيت للعصر وأخوي مب فيه بعد العصر جاء ويقول انشغل وماراح >> كان ودي أكفخه بس عيب الكبير

الأربعاء صلى الظهر وراح على طول للبريد وأنا في المطبخ كان في يدي طماطم وسكين والخلاط دخل أخوي وهو يشيل كرتون

نزلت الطماطم وقلت لأختي تبون فطور صلحوه انتوا

شلت الكرتون أبي أصوره لكن للأسف ماحولي كام ولا جوال ففتحته من الحماس وبعديت لقيت كام وصورته




وكل ماأطلع شيء يطلع أحلى من الثاني

وفيه رسالتين منها بخط ايدها تهبل ماااشاااء الله

وفيه اكسسوارات وتعليقات للجوال تهبل على طول ركبت وحدة منها بالجوال بس نسيت أنزل صورته مع الصور ..

يااااااااااااه ياحبيلها براءة أحرجتني حييييل بكرمها ..

براءة الطهر أخت غالية جمعني بها الحب في الله .. أتمنى أن يجمعني الله بها قريبًا وتقر عيني برؤيتها ..

براءة الطهر والله أحبك ..

أجواء غير في شهر الخير

الصورة من شباك أحد الغرف وطالع فيها صورة أغصان شجرة معمرة أكبر من بيتنا سبحان الله

السلام عليكم ورحمة الله وبركاته ..

الساعة الثانية ظهرًا .. السلماء ملبدة بالغيوم ..

نسمات هواء بارد ..

ماهي إلا لحظات وأمطرت سماءنا ..

ياااه .. ماأروعها من أجواء تبعث النفس للتأمل ..

لك الحمد ربي ..

هذه فرصة لاتعوض لرفع الأكف لرب الأرباب ومسبب الأسباب للدعاء والطلب والحمد والشكر ..

من تحت زخات المطر لن أنسى أحبتي من دعوة في ظهر الغيب تسرهم بإذن الله ..

رمضان تمهل

بسم الله الرحمن الرحيم ..

السلام عليكم ورحمة الله وبركاته

رمضان قف وليكن عامنا كله رمضان

وكأنه قبل ثواني يعلن رؤية هلالك واليوم نستعد لثالث أيامك ..

سبحاااان الله .. أيام السعادة والفرح تمضي سريعة سريعة ..

وياحسرة من ضيعها ..!

رمضان إن ذهب فلن يعود إلا بعد 11 شهرًا إن كتب الله لنا عمرًا ..

فلماذا لانبادر ونستغله فماهي إلا أيام معدودة ..

لنعقد عزيمة صادقة .. ونشعل همة أوشك نورها أن يخبو ..

وليكن شعارنا .. لن يسبقني إلى الله أحد ..