ترانيم الأمل: 2009

السبت

خلفية سطح مكتب

السلام عليكم ورحمة الله وبركاته

فتحت الفوتو أبي أفجر شيء داخلي فقلت أقرب شيء أسعف سطحي بخلفية

بالبداية تمنيتها فرفوشية وأخترت ألوان فاتحة لكن فجأة غيرتها للأسود بس مشى حالها معي : /

http://www.rofof.com/img3/9wljtq26.jpg

رأيكم ؟~

الأربعاء

كل عام وفرحة العيد بقلوبكم فرحة طفل (2)

في الجزء الأول كانت هدايا الأولاد

والآن حتكون هدايا البنوتات الحلوات ..

أشترينا عرائس صغيرة يمكن طولها من 15 إلى 20سم

أخذنا تغليف الهدايا الشفافة وفيها ورد صغير ..

وغلفنا الهدايا داخلها ربطناها بشرايط هدايا الصغيرة وعلقناها ع ظهر العرائس كأنها شنطة مدرسة ..

وعاد كل وحدة وابداعها بطريقة تقديمها ..

احنا جبنا الفلين العريض بعد ..

وغلفناها بأبيض وأحمر ..

وقصينا قطع مربعة وغلفناها بفضي وثبتناها فوق الدائرة وفوق كل مربع عروسة كأنها منصة لها ..

طلع شكلها جدا حلووو

أم شعر بني هذي حجزتها أختي اللي بالمتوسط >> تتوقع انها باقي صغيرة ..

اللي ناوية تجهز هدايا لاتنسى وتجهز شيء قدام الصغار عشان يكون لها طعم خاص يوم العيد ..

همسة : إذا كنتِ تعرفين أطفال أيتام لاتنسينهم من هدايا العيد فتدخلين الفرحة لقلوبهم الكسيرة ..

كل عام وفرحة العيد بقلوبكم فرحة طفل (1)

السلام عليكم ورحمة الله وبركاته

باقي من الوقت 11 يومًا ويـــا حسرة المحرومين

بدأت من قبل كم يوم بتجهيز هدايا الصغار عشان أخلصها قبل العشر ..

وماقصرت أختي ساعدتني في هدايا البنات عشان تلعب بالعرائس

صلحنا هدايا للأولاد .. وهدايا للبنات

نبدأ بهدايا الأولاد

كانت عبارة عن علبه صلحتها بالورق المقوى لون أسود وبقلم فضي رسمت خطوط الشارع

وحطينا داخلها كيك و3 أنواع حلاوى وبلونة وعلقنا عليها سيارة صغيرة ..

بالنسبة لطريقة تقديمها تبدعين انتي فيها براحتك ..

أنا أخذت فلين عريض وغلفته بورق أخضر ..

وصلحت إشارة وصفيت العلب كأنها شوارع ..

وهذا تخطيط للعلبة عشوائي بس عشان أوضح لكم المقاسات اللي أستخدمتها ..

بالنسبة لرسم خطوط الشارع ارسميه بالبداية على استنسل أو ورق مقوى ..

وفرغي المستطيلات وبس حطيها على العلب ولونيها تكون مضبوطة ..

السبت

السلام عليكم ورحمة الله وبركاته

ماأصعب أن يتحطم الأمل أمامك كزجاجة سقطت على أرض قاسية ..

شعور جد مؤلم .. بأن يكون لديك كل الأمل وفجأة لتفقد الأمل بلا سبب ..

حينها توصد كل الأبواب أمامك ولكن هناك باب تنناسيناه ..

باب لا يغلق .. ويبقى الأمل به فقط ..

إنه باب السماء فأسرع لطرقه ولا تيأس مرة ومرتان وثلاث حتى يفتح لك وتنال مرادك .. رغما عن كل معارض ..

همسة : لا أحب تحطم الآمال ولكن لدي اليقين بأن من حطموه بين يدي هم من يعيدون بناءه لي أخرى ..

ربـــــــــــــــــــــاه اكتب لنا الخير أينما كان ..

الخميس

مفاجأة لم تكن لي على بال ..

السلام عليكم ورحمة الله وبركاته ..

مدري كيف أبدأ وكيف أتكلم ..

يوم الإثنين كنت أصلي الظهر شوي جوالي يدق وأختي تحط صامت عشان مايشغلني ..

خلصت لقيتها مكالمتين لم يرد عليها رقم ثابت ماأعرفه ..

دخلت المطبخ رجع الجوال يتصل >> كالعادة أعطي أحد الأولاد يرد على الأرقام الغريبة بس هذا ثابت غير بيكون

قلت ممكن أحد البنوتات تبي شيء ضروي وماعندها رصيد فتتصل من الثابت ..

رفعت نعم أسمع صوت رجال يقول ألووووو .. انفجعت وقفلت

يوم الثلاثاء الصباح صحيت على صوت الجوال ورقم ثابت من النوم رديت بدون شعور ..

قلت نعم .. طلع رجال قال السلام عليكم

أنا انفجعت بس ماقفلت مدري ليش رديت السلام قال أختي وصل لكم بريد ممتاز من الإمارات بإسم .........

بسرعة قفلت ونطيت لأخوي تكــــــــفى روح للبريد جيب لي طرد وصلني من الإمارات .. قال أصلي الظهر وأروح ..

وأنا على أعصابي .. صليت وجلست أنتظر ونمت من الطفش وتحلمت بالطرد

صحيت للعصر وأخوي مب فيه بعد العصر جاء ويقول انشغل وماراح >> كان ودي أكفخه بس عيب الكبير

الأربعاء صلى الظهر وراح على طول للبريد وأنا في المطبخ كان في يدي طماطم وسكين والخلاط دخل أخوي وهو يشيل كرتون

نزلت الطماطم وقلت لأختي تبون فطور صلحوه انتوا

شلت الكرتون أبي أصوره لكن للأسف ماحولي كام ولا جوال ففتحته من الحماس وبعديت لقيت كام وصورته

وكل ماأطلع شيء يطلع أحلى من الثاني